LEVENSGENIETER

Als je in een gat zit, stop dan met graven...

Waeter

2 reacties

Dit plaetje is uut 'n andere oek genome as geweunluk. Nie vanaf ons balkon, mà vanaf de Schelde Rijnweg. Vanmiddag docht ik bie m'n eige, gek eeh, ons kommen uut Thoole, bin dus echte Zeeuwen, weunen an 't Waeterfront, adden vroeger 'n groate viever bie ons uus, ons ebben à vuuftug jaer 'n caravan in de buurte van 't strand, mà om noe te zeggen, bin julder waetermensen ? Nee, da's dus nie waer. En dae kom dan nog bie dat m'n schoanmoeder Vis mit d'r achternaem eêten en m'n schoanvaoder Meerman. Dae kom dae oak nog bie dat mien man as kind an de Veste weunden.  Eigeluk is 'n mens dan toch voabestemd om  'n boat te koapen, te waeterskiejen, suppen, of desnoads te vissen... Niks daevan. Ons bin en bluuven geweun op de kant.

Oe dat noe zo ter spraeke kwam ? D'r leggen nieuwe mensen mit d'r boat, wae ze 'ard op -en an gezwoegd ebbe, op onze plekke an 't steiger . Ik wens ze vee plezier , op 't waeter! Ons kieken wè vanaf ons balkon, bie 'n glasje ..geên waeter. Net as ik zei, ons bin geên waetermensen ! 

- Julder ebben à gezien zeker dat dit 'n eêle ouwe foto is?-

2 reacties

ik mis nog een torenwinkgr w vd vlies

janvlies

24 June 2021 om 19:57

Zo zie je maar dat een achternaam weinig voorspellende waarde heeft. Maar dat glaasje, geen water, is natuurlijk wel een mooie aanvulling.

Toos van Holstein

04 July 2021 om 12:45

Plaats een reactie

U bent nog niet ingelogd; hierdoor kunt u nog geen reactie plaatsen.
Ga eerst na de inlogpagina. Als u geen ZeelandNet abonnemenent heeft kunt u een gast-account gebruiken.