LEVENSGENIETER

Mensen die te veel willen, zijn niet gewild!

Uut & tuus

1 reactie

Ons bin nomaden, à zo'n 49 jaer. Ons reizen een en weêr in Zeeland, tussen Thoole en Westenschouwen. En dit jaer kregen ons in de smiezen dat  dit nie zo geweun is, as't liekent. Deu de corona mochten m'n ommers nie nae ons sjelet op de campieng. Gelukkig is dat weê truggedroaid. Van de weeke bin m'n oak weê 'n pae daegen gewist. Nie ad ons 't ie in ons appartement nie goed 'ebbe , oe, 'k zou 't nie graeg zegge. Mà dat was mit ons voarige uus oak van 't zellefde laeken 'n pak. Dae konden ons oak ons ei wè kwiet, toch giengen m'n alle jaeren tellekus 'n pae daegen, en soms 'n pae weken mit de verkansie d'r tussen uit, nae Schouwen. 
'k Bin dae onderand net zo eige as in Thoole. 
Dae is wè wat onderscheid, want a'k in Thoole booschappen gaen doen, bin'k langer onderwegt. Je komt altied wè iemand tegen om mee te klessen. en dat is in Schouwen minder. 
Mà noe bin'k in Thoole oak sneller trug, a'k booschappen gaen doen. Noe in deze roare tied laet je 't wè om mit iedereên te gaen staen perleejen.
Jammer oe, 't is 't open dat alles gauw weê geweun oard... 

Gelukkig kan ik achter de computer veilig m'n verhaeltjes kwiet...en 'oopeluk bluuven ons dan allemae gezond!

 

1 reactie

Ik hoop dat je binnenkort in Tholen weer lekker lang over je boodschappen kunt doen. Want het zijn natuurlijk heel bijzondere tijden, maar iets meer terug naar normaal zou ik helemaal niet erg vinden. 

Toos van Holstein

20 May 2020 om 13:09

Plaats een reactie

U bent nog niet ingelogd; hierdoor kunt u nog geen reactie plaatsen.
Ga eerst na de inlogpagina. Als u geen ZeelandNet abonnemenent heeft kunt u een gast-account gebruiken.