LEVENSGENIETER

GELUK IS VERDRIET DAT EVEN UITRUST.

Veugels

1 reactie

Nee, deze veugels zitten nie bie ons veugel'uusje bie 't sjelet, dit stel zit in d'Algarreve. Ma voa de rest zit 'ier van alles: kroajen, eksters, mossen, koalmeesjes, vlaamse gaaien, meraekels vee duuven en 'n roadbosje. Da's m'n lieveliengetje. Die andere bin soms zo honsbrutoal, en ze maeken zovee leven. Nie alleen mit d'r keele, ma oak mit d'r poaten, 's ochus vroeg op 't dek. En denet zat dae ak nog ' mantelmeeuwe bie. Bekant zo groat as 'n oaievaer.
Zelluf wist ik nie dat die veugel 'n mantelmeeuwe was, ik ebben wel verstand van mantelzurregers. Ma die vliegen nie deu de lucht, die vliegen alleen ma voa 'n ander die ze kunnen ellepe. Nee, mien man is veugelteller, die ei verstand van alles wat vliegt. En die geef de veugels oak eten. En dat mot ie ma nie meer doen eb ik net tegen um gezeid. Ze motten ma voa d'r eige kosje zurrege...
Motten ons oak, daerom gae'k straks even nae de boer om slaej, zeekrael, komkommers, redies, affijn, allerande lekkers. En oak nog wat blinde vienken aele bie de slagter, want die kommen ier noait in ons veugel'uusje, die kunnen dat nie vinde dienk ik..
 Voa julder allemae 'n moai weekend...en mocht je soms nae de Brouwersdam gaen, kiek dan uut dat er geen meeuwe wat op je'n oad laet valle, want dae bin ze goed in , oe.

1 reactie

Langzaam lezen en ik begrijp het allemaal. Een leuk vogelverhaal.

Toos van Holstein

03 July 2019 om 10:01

Plaats een reactie

U bent nog niet ingelogd; hierdoor kunt u nog geen reactie plaatsen.
Ga eerst na de inlogpagina. Als u geen ZeelandNet abonnemenent heeft kunt u een gast-account gebruiken.