LEVENSGENIETER

Men hoeft de wereld niet rond te reizen om te begrijpen dat de hemel overal blauw is. (Goethe)

Welkom

1 reactie

Gisteraeved bin ons de nieuwe burregemeêster 'n and gaen geve. Zé ís ommers welkom in Thoole. Ons waeren nie de ênigste, 't was stikdruk. En dae stong ik 'n bitje beduusd van, zovee mensen.
M'n waeren zodoende weê laet tuus. Net as bie't afscheid van de voarige burregevoader, meneer Nuis.
Gek eh, je zei wè burregevaoder, mà burregemoeder, dat klienk van geên kanten. Burregemeêster dat klienk goed.
Of geweun 'mevrouw'. Dat éb ik oak tegen d'r gezeid, oe. Mevrouw van de Velde.. En verteld d'ammen deu 'n pae diengen verbonden bin: Schouwen Duuveland, dae kom ze vandaen saemen mit d'r man, en d'r toekomstige weunlocasie: 't Ouweland. Want dae leggen mien 'roots''..(op z'n Thools.) Ik 'ebben geliek verteld dat dae zo'n moaie site van is: www.Tholen-Schakerloo.nl, en die oar beheerd deu de fermielje van de Velde. Of 't fermielje van ulder is ? Dae kommen m'n nog wè achter.

O jà,  netuurluk ébben ons eur oak eêl vee succes gewenst in d'r nieuwe baen, want ze mag 't  van mien 'ebbe, oe. Politiek, je stae flienk in de schijnwerpers.

Ome Wannes, je weet wè, m'n moeder d'r broere die 102 jaer wier, zou zegge as ' t er erregens in de polletiek str..t an de knikker was: vandaehe is 't halleluja en merrege kruis hem.. En geliek 'ad ie..

1 reactie

Kijk Jopie dat is nou eens een ware uitdrukking : vandaehe  halleluja en merrege kruis hem. Ik heb wel eens gezegd :  je hoeft mij niet op een voetstuk te zetten want als ik dan afdonder doet het veel te veel zeer.

paled

19 November 2014 om 17:46

Plaats een reactie

U bent nog niet ingelogd; hierdoor kunt u nog geen reactie plaatsen.
Ga eerst na de inlogpagina. Als u geen ZeelandNet abonnemenent heeft kunt u een gast-account gebruiken.