LEVENSGENIETER

Men hoeft de wereld niet rond te reizen om te begrijpen dat de hemel overal blauw is. (Goethe)

Vriendenboek

2 reacties

Wil jie in m'n poesie schrieve ?
Die vraeg klonk op 't schoolplein. In elluk geval in un bepaelde tied van 't jaer. Want dat was mit alle spelletjes oak zo: knikkere, ienkelperreke, kot verlossertje, dat dee je un pae weken en daenae was 't er wee wat anders an bod.
Bie ons gieng dat zo tenminste. En kinders bin overa kinders, dus ik dienken dat ut bie julder oak zo gieng.

En in die poesie schrieve, dat was netuurluk wat voa meiden. Jongers deejen dat nie, die voetbalden samen, ma bie 'n meid in d'r poesie schrieve? Ik ben toch nie gek!! 
(Vollehens mien ei de Mediamart die spreuk laeter opgepikt)

Voaders, die schreven we in je album, en de meester. Bie ons op schole zeiden ze 'meneer'op de andere schoole meester. Ma 't gieng om ut eigenste. Opvoede voa laeter. En ik dienken voa m'n eige dat ut goed gelukt is.

Toch, dat weet ik zeker, bin de poesie albums bie de mannen begonnen. Want die maekten een vriendenschrift. Libre Amicorum noemden ze dat mit 'n moeiluk woard. Allemae losse blaejen waeren dat, mit oak tekeniengen d'r in. Ik ébben d'r welus een in m'n ánden gád. Kostbaer oe.
Noe bin d'r oak wee vriendenboekjes voa kinders. Dat zien ik bie m'n kleinkinders. Dae stae foto's bie. Lieve smoeltjes allemae, ma die moaie ouwerwesse plaetjes ádden toch oak we wat. Ik hebben nog een paer van die poesie albums laege, van begin 1900 nog. Neeje, die bin nie van m'n eihe schooltied. Zo errug is 't noe oak wee nie.., ma die eb ik gekrege... Da's oak 'n soart verzaemelieng dus.

Oe kom ik op dit blogje ? 
Ineke schreef d'r over. En ik ád net op Facebook gekeke.. allemae vrienden.
Hosternokke, wat zou ik dan 'dik poesie album motte ébbe!!!!! Dan mar geweun via de sociale media.. Ik bin toch nie gek!!!

2 reacties

Het poeziealbum van deze tijd is Facebook geworden Jopie en we zijn allemaal zo gek dat we daar op schrijven .

paled

06 November 2014 om 19:30

Ik heb het poeziealbum van mijn oma. In dat ouderwetse nederlands en schuin schoonschrift.

izerinalin

06 November 2014 om 19:36

Plaats een reactie

U bent nog niet ingelogd; hierdoor kunt u nog geen reactie plaatsen.
Ga eerst na de inlogpagina. Als u geen ZeelandNet abonnemenent heeft kunt u een gast-account gebruiken.